山葉鬥櫻花合演入波騷

猪拉多纳

日職3場直播賽事當中包括一場磐田山葉主場鬥大阪櫻花，磐田山葉近期表現都幾令人失望，預料今場會壓前進攻力求反彈。對手大阪櫻花踢法大開大合，近年與磐田山葉對賽亦經常炮製大量入球，睇嚟今場又係「大手交易」場合，大盤可以優先留意。

（有線64及203台周六晚6時直播）

磐田山葉與大阪櫻花近年碰頭總有好戲演，去年4月櫻花以3比2擊敗山葉，同年8月山葉就贏番場4比3。單計近6次對陣就全部開「大」，相信今次都唔例外。其實今季櫻花聯賽作客入球數字比主場更高，加上本身打法夠進取，就算作客都唔會有任何保留。山葉聯賽至今只得1勝，為要盡快逃離下游區域，務必要喺今場全取3分，爭勝鬥志唔會比客隊遜色。基於主客兩隊都會打大進攻足球，大駁火場面可以預期，大盤開出機會極高。
水手戰三神 捧「讓球和」

同日另一場橫濱水手主場對榜尾嘅大分三神，水手於聯賽盃兩勝鹿角打起信心，射手馬昆奴斯狀態大勇，今次對住三神贏面高。不過，三神今季作客鮮有大敗，今場可博「讓球和」。（有線62及202台周六晚6時直播）