大摩搏埋最後兩盃

猪拉多纳

　　上期估得冇錯，告東尼真係出兩隻贏晒，本來同葉楚航打平手，點知後者食尾胡，又以1W反壓Tony。到了今期人人大堆頭，Big 4個個出馬多籮籮，葉東兩廐出馬11匹、蔡廐9駒、方仔12匹。淨係睇完呢4個馬房嘅馬，已經頭暈眼花。但無論點都好，佢哋咁大陣仗，唔會冇料到，呢日唔吼住Big 4，蝕底可能係自己。

　　除了前列4個馬房之外，大摩亦唔可以當佢冇到，事關今季最後兩項盃賽將於今日上演，盃王喎，冇理由唔想順利埋齋。

　　事實上，大摩在兩場盃賽派馬均有分量，睇動靜，唔係冇意圖。

　　第九場沙田一哩錦標，「威爾頓」及「貳寶」，唔使問，主力應該係前駒，初出已有Q，輸畀超班馬而已，進度及實力已有證明。

　　第十一場馬主協會錦標，大摩三路興兵，各有各優點，係要揀匹做膽的話，「風花雪月」可睇高一線。 Jack