洪都拉斯半力讓唔起海地

猪拉多纳

洪都拉斯係美洲金盃4強常客，不過佢哋今屆冇用最強陣容參戰，最重要係佢哋首戰經常慢熱失分。聽朝洪都拉斯B組第一擊對海地難言穩勝，冷敲2.25倍「讓球主勝」。

（有線61及201周二早上9:30直播）

比起上屆賽事，洪都拉斯實力可謂大跌Watt，3線都有主將缺陣，包括射手謝利賓特臣、中場柏拉西奧斯同後衞美羅費古羅亞等外流猛將，點靠得住呀？而且佢哋今屆用嗰4件前鋒，喺國際賽夾埋只係入得7球，波都唔識入，點讓波先？最重要一點，係佢哋不嬲都好慢至撻着，翻查近4屆首戰紀錄，洪都拉斯只得1勝2和1負，今仗對海地真係輸埋都唔奇。

對家海地人腳唔算差，勒芒前鋒比科特、卡昂後衞皮爾等喺法國落班嘅球員都有入選，計埋世界排名，亦只係低對手14位，差距冇想像中咁大。咪忘記佢哋6月友賽西班牙只係僅輸1粒，又試過逼和意大利，成班球員信心打起晒，今仗有力搶分而回。
金盃B組

金盃賽制：每組首、次名，以及兩支最佳小組第3名躋身8強。