卡達聖易配郁手

猪拉多纳

　　【本報資料】經過一番激烈爭鬥，終於來到今季煞科的時候。是晚共有九場賽事，將於跑馬地馬場的B欄C彎跑道舉行，而頭場開跑時間亦提前至六時四十五分，宜加留意。

　　不少練馬師都非常重視煞科日，想贏番場馬，好頭好尾，大摩正是其中之一。翻查資料，大摩對上五季的煞科日皆有馬贏（見表），上季起孖而回，前季更贏夠四場，既然有路可捉，今晚怎可以不捧摩廐馬呢？是晚摩廐雖然只派四駒參戰，但四駒上仗均是跑入前四名的前列分子，隨時贏番幾場。

　　四匹摩廐馬中，只得出爭第七場一班1200米的「卡達聖」配貝湯美上陣。眾所周知，大摩與這位騎者合作無間，今季合作四十一次，已獲九冠五亞四季，近七次更有四次跑入前四名，而貝湯美跑完今晚賽事，就會離港回澳洲發展，大摩應會給予餞行馬。而今次練者安排近兩仗獲亞殿各一的「卡達聖」配貝湯美，志不在小要吼實。

　　安國倫有「心」搏殺

　　另外，安國倫對上兩季煞科日亦有馬贏，今期騎者有七匹坐騎上陣，當中出爭第二場的「發達心聲」及第九場的「國粹精華」來自鄭俊偉馬房，騎練二人開季至今只合作過一匹「勁加勁」並且獲勝，今次鄭俊偉突然把兩駒交至安國倫之手，值得留意。