自由盃4強次回合 明尼路「大」反擊

猪拉多纳

美洲金盃喺今朝完成首輪最後兩場分組賽之後，將會休戰一日，不過今日仲有大量直播戲碼，3場日職、兩場世青盃4強戰，連女子歐國盃揭幕戰都有得睇，當然唔好忘記聽朝場南美自由盃4強次回合，紐維爾舊生首回合喺主場以2:0領先明尼路，次回合唔似會倒輸出局，晉級賠率得1.18倍太熱無謂推介畀大家，1.88倍入球大先係投X首選。

（有線61、201及廣東體育周四早上8:50直播）
舊生作客鋒力唔曳

喺南美嘅世界，首回合喺主場領先兩球其實唔算得上好穩陣，事關當地嘅主場威力一向唔講得笑，但話雖如此，主隊明尼路由朗拿甸奴領軍，火力雖強，但防線實在太唔穩陣，近3戰夾埋失咗5球，今屆踢過11場自由盃亦場場失波，所以今戰好容易就會失作客入球，要追番兩球真係唔易，讓半一捧上盤亦唔易收足。

客軍紐維爾舊生喺阿甲賽事結束後，現時可全情投入自由盃，佢哋今屆5場作客賽事雖然僅勝兩仗，但就有4場取得入球，今仗面對焗攻嘅巴甲勁旅明尼路，有望上演入球騷。

足球重心：明尼路（入球大）、國際體育會（讓球主勝）

馬膽推介：9場(12)勁飛翔

上場以破班際紀錄時間贏馬，同跑第2嘅「牛精仔」遠距離拋離群駒，肯定係一場好賽程，葉楚航為爭冠軍一定出盡法寶，有望喺煞科戰尾場爭取3連勝。
首回合：明客負0:2