墨西哥 加拿大死火冇攻「細」

猪拉多纳

聽朝美洲金盃A組有墨西哥惡鬥加拿大，雖然前者係衞冕冠軍，不過因為洲際盃啱啱結束只能派出「B隊」出賽，首戰更加災難性地史上首次輸畀巴拿馬，火力未見太勁，遇着經常「食白果」嘅加拿大真係唔使旨意多波入，一於直取1.72倍入球細啦！

（有線61及201周五早上11:00直播）
領隊荷西托尼傳被炒

記得2011年美洲金盃撞正美洲國家盃，兩邊都有參賽嘅墨西哥集中火力喺金盃，結果成功連續兩屆奪冠，但嚟到今屆就因為洲際盃而捨金盃，上屆賽事嘅奪冠功臣全部被「飛」，當然唔會有好下場啦，首戰已經創下史上第1次輸畀巴拿馬嘅「紀錄」，領隊荷西托尼更屢傳將會被炒，士氣又點會好先？加上查維亞靴南迪斯冇入選、前鋒馬基斯盧高表現未見突出，想入波唔係咁易。

至於加拿大就一向都唔係咩勁旅，加上大部分歐洲外流兵都未有歸隊，喺首場分組賽輸畀馬提尼克唔算令人意外，睇番佢哋嘅近況，近6戰居然足足有5場冇波入，證明由史堤芬納治射手馬古斯希巴率領嘅鋒線唔多信得過，實在難開入球騷。

金盃A組
美洲金盃賽制

現為分組賽階段，12隊分3組，每組4隊進行單循環比賽。每組首、次名，以及兩支最佳小組第3名將躋身8強。小組同分將順序依據總球差、總入球數字、對賽成績排名。