熱食好過冇啖好食

猪拉多纳

　　今季騎師冠軍之爭，一度出現高潮，潘頓曾經帶離韋達，期時大眾以為「韋十二」終於要下來，點知季中之後，韋達三扒兩撥又過頭，之後愈贏愈多，又一季封王。

　　對於騎師之間爭逐，良性競爭係好事，比賽時你又搏、佢又搏，落場無父子，人人唔欺場，最終結果勝或負，站在馬迷角度，買咗落去心甘命抵，起碼唔會輸完仲有一肚氣。

　　又例如練馬師爭冠軍，去到季尾葉東火併連場，唔好理會「牛精仔」、「權駿精英」、「勁飛翔」（圖）呢類馬有幾熱，值唔值得買，總之，跑晒畀大家睇，作為馬迷若果擺錢落去，事後唔會呻笨，最多係分少幾蚊，熱食總好過冇啖好食。