「冇星」哥斯達黎加

猪拉多纳

難炒守「細」伯利茲

今屆美洲金盃有隊初哥球隊，佢哋就係C組嘅伯利茲。雖然佢哋實力麻麻，不過成班球員用鬥志搭夠，聽朝對住有唔少主力冇入選嘅哥斯達黎加，未必好似上場對美國咁大敗一場，入球中位數調高到3.5球，一於支持伯利茲守住2.1倍「入球細」。

（有線61、201周日早上6:00直播）
哥隊冇選拜仁雷斯 保蘭奴

伯利茲首次參戰美洲金盃就新聞多多，賽前要班球員落力籌錢應付參賽經費，首戰輸畀美國後又爆出拒打假波事件，雖然守將基尼亞同門將韋斯特走出嚟話佢哋為國家尊嚴而戰，唔會為錢打假波，但有咩好得過踢番場爭氣波證明自己？吸取上場輸畀超晒班嘅美國嘅經驗，佢哋今場肯定加強兩邊閘位防守，以防再喪輸傳中波，對住側擊力唔強嘅哥斯達黎加，未必再次任人魚肉。

哥斯達黎加今屆缺少前鋒拜仁雷斯、中場保蘭奴斯等外流球星，實力當然大減，上場對住弱旅古巴未見有太大優勢，表現只算平平。再者佢哋下場就同勁旅美國交手，球員今場搏唔搏頓成一大疑問，有後顧之憂未必炒得起伯利茲。