奧林比亞會細不低頭

猪拉多纳

南美自由盃決賽首回合，巴拉圭球隊奧林比亞會主場對戰巴西明尼路。兩支球隊過往未有過對賽紀錄，相信今場會以試探性質為主，入球數字唔會高，細盤先揀。

（有線61及201台周四早上8時50分直播）
明尼路作客睇定踢

南美自由盃決賽以主客兩回合制進行，要留意比賽係唔計作客入球，兩回合計打和就加時，再分唔出勝負就要互射十二碼。講番今場主角之一奧林比亞會，咪以為佢哋「符碌」入決賽，查實晉級路途極具說服力，所擊敗嘅對手包括阿甲堤格雷以及巴甲冠軍富明尼斯，戰鬥力應該同明尼路不相伯仲，不過呢隊波都係穩陣為主，唔容易搵到對方缺口。明尼路今場要作客，加上次回合有主場之利，根本冇必要過度拚搏，留番啖氣等次回合仲實際，預計雙方都唔會太進取，細盤開出機會較高。