係時候改變

猪拉多纳

　　告東尼在大好形勢之下，最終輸掉冠軍，又一年在煞科日被人搶去寶座，再次與冠軍擦身而過，真係好唔抵。

　　其實，東廐已有多年未能重登冠軍，頭馬數字係就係冇減少，但總係爭啲啲。而近季告東尼一直倚重蔡明紹，作為馬房主力殺手，大部分好馬交晒畀佢，上中下班次啲馬皆如是，除非徒弟停賽，或者分身乏術，否則唔會有幾多馬流出畀其他騎師。啱啱呢個馬季，東廐與部分華將合作唔錯，好似楊明綸、吳嘉晉，既然有好開始，練者應該考慮，慣性手法係咪需要轉。