日乙榜首戰飛腳秤先

猪拉多纳

歐洲列強去東南亞踢熱身賽，若果唔係做嘢，正路都係偏向下盤，始終天氣悶熱，球員不在最佳狀態，唔係話贏就贏，你睇泰國明星隊逼到曼聯同車路士氣咳，就知唔係咁易踢。不過，越南同印尼先後對住阿仙奴大敗，結合埋臨場盤口，明顯係有啲嘢，呢類東南亞球隊始終問題多，都係不宜沾手。今次揀場日乙賽事，大阪飛腳主場對神戶勝利船，捧飛腳！

（周六下午5時開賽）

大阪飛腳同神戶勝利船季前都被好多行家視為升班熱門，兩隊踢落都好對辦，現時雙雙霸住頭兩位，睇嚟好有機會攜手重返日職。若果單論人腳，飛腳更勝勝利船，肥叔唔只一次講過，呢班波根本夠料打日職，喺日乙完全係大超班，呢次硬撼勝利船都係佔上風，現時讓到平半至半球，個盤都算合理，預期可以順利贏波贏盤，先揀上盤。另外，由於兩隊波都係攻力勁，呢場亦可兼顧埋入球大。

澳職明星曼聯鬥數胡

同日曼聯決戰澳職明星隊，「紅魔鬼」不嬲捧場客多，長期扯飛，無論踢乜波都係咁，連熱身賽都經常讓多咗，首先大家要記住一點，現時正值季前階段，曼聯今次亞洲之行唔齊腳，家陣將士狀態不足，加上經過舟車勞頓，戰鬥力頂盡得五成，仲要讓得多，上盤絕對捧唔過！澳職明星隊仲硬淨過泰國明星隊，呢場有機會攻破對手大門，玩入球大最好。

猪拉多纳