紅軍-3捉「印星」祭旗

猪拉多纳

生牯仔新兵博上位

英超球隊為掘金已紛紛踏上亞洲之旅，正造訪印尼嘅紅軍今晚會同印尼明星隊拍跳，小妹相信呢支隊內競爭極大嘅英超勁旅可以大捷，做番場靚騷畀球迷睇，「-3」照捧1.83倍「讓客」！（亞視國際台周六晚9:30直播）
印尼明星防線紙紮

利物浦喺今夏轉會窗都未開，就已經極速斟掂伊亞高艾斯巴斯、高路托尼、路爾斯阿拔圖同米洛列特4位新援，除咗較年輕嘅阿拔圖之外，其餘3子幾乎肯定獲重用，搞到隊內競爭非常激烈，祖阿倫、佐敦軒達臣等年輕土炮難得有機會落場，梗係搏到盡啦！不得不提嘅當然仲有今年初先加盟嘅菲臘比古天奴，上場友賽對普雷斯頓博到個12碼先開紀錄，加埋傷愈復出嘅謝拉特會喺今場正選上陣，會製造到唔少入球。

其實「打入前四」已經變成利物浦近幾季嘅口號，雖然小妹好懷疑佢哋嚟緊呢季好可能又要失望，但領隊羅渣士講明好有信心入前四，喺熱身賽點都要做番場好戲嘅！今仗對手印尼明星隊上次畀阿仙奴入咗7粒，證明呢條紙紮防線根本唔穩陣，相信紅軍今晚可以炒起對手，喺群情洶湧嘅球迷面前攞番個彩喇。