柏林聯上力可響頭炮

猪拉多纳

德乙剛開鑼即連場好戲，今晚柏林聯主場迎戰波琴值得留意。柏林聯保留上季大部分球員，唔需要太多時間去磨合，季前熱身賽一撻即着未嘗敗績，當中包括大勝兩支蘇超球隊登地聯及些路迪，表現令人刮目相看，睇得出眾將狀態已經上晒力。相反，波琴今夏失去天才新星哥列斯卡，呢位小將擅於組織攻勢，亦具備遠射腳頭，潛力無限，因此贏得「新波歷克」美譽，可惜佢已經轉投史浩克04，從熱身賽嚟睇，波琴仲未搵到哥列斯卡嘅最佳接班人，令隊波進攻陷於群龍無首困局。
主場sharp醒食住波琴

柏林聯喺自己地頭一向sharp醒，上季十七仗贏十場，贏波場數僅次於同市球隊哈化柏林，證明呢班波係靠主場搵食，加上近四次對波琴贏咗三次，擺明食住對手，一於博佢哋打響頭炮。

（周日晚9時30分開賽）