FSV操弗碌卡開

猪拉多纳

德乙以往出現過問題賽事，喺行內口碑唔算好，不過隨住有關方面採取行動打擊歪風，依家已經乾淨咗好多，起碼好多莊家都有番信心。肥叔今次都揀場德乙，推介FSV法蘭克福上盤！

（周日晚7時30分開賽）

FSV法蘭克福上季升唔到班，但淨計主場表現好對辦，呢類球隊客場特別弱，所以往往會集中火力專攻主場搶分，今季大家都可跟住呢條路去投X。FSV法蘭克福早前喺熱身賽贏過賀芬咸，踢落真係有料到，今次對住升班球隊卡爾斯魯厄係出擊良機，主隊讓平半，呢隻上盤值得捧場。

同日東亞盃中國鬥日本，中國上次熱身賽輸得好甘，絕對係國恥，依家點都要的起心肝打爭氣波。日本呢次冇召外流球員，讓晒車馬炮，預期今戰會踢得比較緊湊，雙方入波唔會多，可試細盤。