東京綠茵防線鬆踩多腳

猪拉多纳

歐洲各大著名球隊近期忙於踢熱身賽，意味新一季主要聯賽即將來臨，大家係時候開始做定功課，迎接呢場長途戰。英超、西甲等聯賽開鑼前，可留意日乙賽事，日本波比較正氣，大阪飛腳今季降落日乙後演出對辦，尤其係中前球星都有高水準發揮，作客防線鬆散嘅東京綠茵，啱晒佢哋胃口。大阪飛腳讓半一，建議要上盤。

（周六下午5時開賽）

大阪飛腳日乙超班
大阪飛腳上季日職踢到降班，實在令人跌眼鏡，慶幸球隊仲留住一班主力，踢日乙可以話係超班。事實上，榜首嘅飛腳現正向升班目標全力進發，保連奴奧利華拉、遠藤保仁、倉田秋、宇佐美貴史等進攻球員，狀態相當弗，將球隊主攻踢法發揮得淋漓盡致，作客照攻可也。

東京綠茵雖然取得兩連勝，但過程都好艱辛，例如上仗踢到補時，先至靠博到12碼險勝下游球隊FC橫濱，表現欠缺說服力。綠茵最大問題係防守差，遇上攻力極強嘅大阪飛腳，正擊中佢哋死穴，實在難有運行。

另外，今晚有場熱身賽華倫西亞主場對AC米蘭，意甲球隊踢熱身賽往往留有一手，而且AC較遲開操，競賽心態或不足，華倫西亞可以秤先。

（now 632及621周日凌晨2時直播）

肥叔心水
北韓女足上盤

大阪飛腳上盤 神戶勝利船上盤

莫迪上盤

華倫西亞上盤

拜仁慕尼黑上盤