韋達勝在人緣好

猪拉多纳

　　韋達連續十三屆做香港冠軍騎師，自然有過人之處，長期拍住蔡約翰搵食，蔡約翰馬房坐擁強大兵力，韋達自然成為大贏家。

　　再加上，長久以來，騎者又同好多馬房關係密切，真係好難有其他對手挑戰到佢的地位。

　　當年柏寶，上季潘頓，都係當紮當打的騎師，陣上身手有眼見，二人騎功甚至乎可能在韋達之上，但總係動搖唔到韋達。證明要做冠軍騎師，淨係騎技好係唔夠，人脈所佔比重可能更大。

　　未來日子，韋達唯一有可能做唔成冠軍騎師的原因，就係佢同友好馬房「分手」，如果蔡約翰、葉楚航呢類大馬房唔再睇佢台戲，轉向支持其他騎師，咁就唔同講法，但暫時會發生這個情況的可能性，明顯不大。