柏雷素爾惡客又抽水

猪拉多纳

日職經過兩星期小休今日重燃戰火，重頭戲係橫濱水手主場鬥柏雷素爾，橫濱水手喺休戰期間約戰曼聯表現唔錯，不過據日職專家蘇豪所講，水手近年長期被柏雷素爾恰死，就算有主場之利都冇必勝把握，主隊讓平半，宜捧下盤。

（有線61及201台周三晚6時30分直播）

日職專家蘇豪早幾日連續出勤採訪英超勁旅曼聯，身心俱疲下需要抖抖，所以今輪推介由波童客串。波童睇過早前曼聯作客輸畀橫濱水手一仗，對水手演出留下深刻印象，諗住佢哋今輪聯賽應該可以乘勝追擊，不過問完蘇豪意見，佢話水手贏曼聯係踢得好好，但始終陣中老將較多，踢得太密唔着數，而且佢哋連盃賽在內，過去8次面對柏雷素爾都未贏過，當中近3次全部輸晒，心理上好蝕底。

柏雷素爾早前將焦點放在亞冠盃，聯賽成績比較反覆，但隨着球隊晉級最後8強，球員愈踢愈有信心，尤其近8場作客取得6勝1和1負佳績，不敗率逾8成，今場係時候搶分，受讓平半可以支持。

川崎前鋒大盤繼續追
另一場直播由川崎前鋒主場鬥湘南比馬，川崎前鋒小休前狀態着火，先後擊敗鹿島鹿角、浦和紅鑽及大宮松鼠，3戰合共攻入11球，就算輸畀廣島三箭亦不失進攻王本色。湘南比馬係目前日職作客成績最差球隊，單計主隊入波隨時已夠開大，1.5倍勝在夠穩。

（有線64及203台周三晚6時直播）

日職推介
大阪櫻花平手盤

川崎前鋒大

柏雷素爾下盤