利李之星低位反彈

猪拉多纳

成績唔好當然無人鍾意，但香港賽馬以評分配磅制，減分多，翌季上升空間自然大，「金津好」剛季80分起步，全季未勝減咗39分，吳定強喺適當時候就會扳大頭出擊，低位反彈，一於吼實。「利李之星」法國自購馬減36分，由高廐轉去吳廐，再減多幾分就可以全力進攻。
  
利李之星





睇翻近兩季減分最多的一批馬，「叻先生」及「共創良機」翌季皆取四捷，更勝加分明星。睇翻兩駒背景，皆屬年輕自購馬，適應水土，便從低位反彈，今次十二匹大幅減分馬，減45分「小霸王」為英國自購馬，減36分「利李之星」為法國自購馬，減35分「利圖」為愛爾蘭自購馬，減33分「天山」為新西蘭自購馬，減32分「靚橙」為法國自購馬，減32分「必勝精神」為澳洲自購馬，減32分「喜跑得」為德國自購馬，上述幾駒今季不妨多加留意。