史雲斯馬模做大騷

猪拉多纳

歐霸盃第三圈外圍賽首回合，英超史雲斯主場對瑞典超馬模。留意到史雲斯近期備戰工作都幾積極，單喺七月已經踢過七場熱身賽。對手馬模喺瑞典超亦有激烈競爭，球員狀態谷到火紅火綠，今場一樣會全力拚搏。料今場雙方都會鬥攻求勝，大盤開出機高。

（周五凌晨2時45分開賽）

「天鵝」喪谷已上力
「天鵝」史雲斯為備戰歐霸盃賽事，特登喺七月安排多場作客嘅熱身賽，以密集式賽事去催谷球員狀態。縱然對手實力唔算太強，但史雲斯球員一樣保持專業冇揸流攤，其中作客海牙蘭迪亞更大勝十粒，可以講球員身心都已經進入「作戰模式」，今晚準備同馬模進行大廝殺。

基於北歐喺暑期進行聯賽，所以馬模球員一樣弗爆，之前喺歐霸盃對喜伯年曾狂贏七比○，可見馬模攻力有幾犀利。球迷都知史雲斯踢法極具娛樂性，今場隨時會同馬模鬥攻，入球數字偏高好正常，大盤值得留意。