PSG勁人「多」頭炮搶法冠盃

猪拉多纳

今屆法國冠軍盃移師加蓬開戰，由上季法甲冠軍巴黎聖日耳門硬撼法足盃盟主波爾多，PSG兩大新兵卡雲尼同馬昆奴斯哥利亞都No Show，但用番舊有班底反而仲有默契，對住後防穿晒大窿嘅波爾多夠贏啦，捧2.23倍「讓球主勝」。（now714台周日凌晨2:45直播）

波爾多甩皮甩骨缺3守將
PSG今個夏天豪使1.15億歐元掃入前鋒卡雲尼、中堅馬昆奴斯哥利亞同左閘盧卡斯迪治尼，比較可惜係聖日耳門官網以「養傷」為由，宣布卡雲尼冇被納入今戰嘅23人大軍，但亨格比利就咁睇，伊巴謙莫域同拿維斯上季已經夾慣夾熟，用番呢對奪冠前線組合衝鋒陷陣反而仲有利。再講，今仗係新帥白蘭斯嘅首場正規賽事，佢老人家講明會遣強陣出擊爭盃，擺到明想打響頭炮啦！

對家波爾多就濕滯嘞，啱啱喺熱身賽輸畀英冠隊伍米杜士堡已經樣衰，最弊係主力射手迪亞巴堤早排友賽對梅赫倫受傷，將陪埋右翼衞法拔、中場阿布度查奧爾同前鋒迪亞高洛蘭幾位十字軍齊齊缺陣，3大後防猛將比捷、軒歷基同柏蘭奴斯仲要停賽，後防甩皮甩骨點頂得住PSG嘅進襲呀？

酋長盃賽制
每隊各踢2場，贏波得3分，和得1分，負則得0分，每入1球將額外獲得1分，總得分最高球隊將贏出賽事。若最後出現同分，將以得失球差決定排名；若得失球差亦相同，則以射門命中目標次數定名次。