飛腳踢爆防守王

猪拉多纳

換血順暢 新兵有料
日乙名牌球隊大阪飛腳今夏前線進行換血大活動，交接出奇咁順暢，兩個新兵宇佐美貴史及阿迪菲爾奴同樣交到貨，大軍中前場人腳極強，保持超班實力，今輪作客岡山綠雉贏面好高，客勝有計！（周日晚6時開賽）

大阪飛腳早前主力射手李安度蒙迪拉及星級中場家長昭博同於六月尾離隊，當時唔少球迷擔心大軍前線火力受削，不過，宇佐美貴史由德國回歸母會後表現好鬼對辦，前仗梅開二度助球隊擊退死敵神戶勝利船，至於另一新援阿迪菲爾奴上場後備落場亦有士哥，呢個巴西前鋒上年喺歐霸盃代表布加勒斯特星隊有士哥，具備歐戰實力，踢日乙確實超晒班！

岡山綠雉守得都難頂
飛腳根本具備日職實力，隨住兩個新兵來投後，配合保連奴奧利華拉及遠藤保仁等猛將，大軍戰鬥力有增無減，仍屬日乙冠軍熱門球隊。岡山綠雉聯賽26戰失23球，現時屬日乙防守王兼細盤王，不過，今次大軍遇上飛腳一條擁有日職級數嘅鋒線，恐怕冇咁易頂得住，1.53倍客勝夠穩！

同日另一日乙實力分子京都不死鳥主場對山形山神，不死鳥兩大進攻重心原一樹及山瀨功治弗到爆炸，大軍進攻火力強勁，肯定可以射破對手大門。山神聯賽大盤率近七成，屬日乙大盤王，今次有本錢同對手鬥攻，預期會有唔少士哥，捧大！