AC鬥銀河 入球騷謝幕

猪拉多纳

國際冠軍盃季軍戰，洛杉磯銀河喺美國邁阿密迎戰AC米蘭。由於只是名次之爭，故今仗表演性大於競爭性，兩軍都會放鬆心情，踢場好波謝幕，預期入球數字唔少，大盤可捧。

(now 632及621周四早上6時30分直播）

銀河於是項錦標曾面對勁旅皇馬及祖雲達斯，佢哋亦未有龜縮，依舊搶攻，難怪兩場波都有4個入球出現。今仗銀河仍會保持一貫作風，與對手合演高娛樂性賽事，兩名前鋒羅比堅尼及當路雲狀態都弗，料今場會交出士哥。

近期與AC米蘭「拍跳」嘅球隊都好強，包括華倫西亞、曼城及車路士，相信對提升球員狀態有幫助。前鋒巴洛迪利傷勢已無大礙，今場有望同艾沙拉維合作攻堅，AC米蘭前線球員質高，要入波唔難。兩軍冇壓力下對攻，大盤係最佳選擇。