華將勢弱非技不如人

猪拉多纳

　　華將勢弱，已經唔係近年之事，係歷史遺留落嚟嘅問題。好多見習生，畢業等同失業，冇咗較大減磅優勢，根本冇賣點，坦白講，呢十幾年來，有幾多個鄭雨滇、蔡明紹？畢業之後，仲可把個事業推上更高峰。

　　重洋輕華，外國的月亮特別圓嘛，是大眾心態，呢種大氣候好難改變。華將要殺出一條生路，真係唔容易，每一季可以保持一定出賽次數及贏馬數目，已經還得神落。

　　華將處於弱勢，唔一定係技不如人，唔通黎海榮、蘇狄雄、賴維銘等，唔係騎得之人？身手會與韋達差好多皮？鞍上造詣相差程度係贏100場與十幾場咁大，個人又唔多信！所以，如果香港馬會進一步下降騎練合作比例，至少可令華將的出賽機會増多。