德乙全勝軍大戰

猪拉多纳

格雷特霍夫再奏「凱」歌
今晚德乙有場獨腳重頭戲，由開季同樣兩戰全勝嘅格雷特霍夫及凱沙羅頓正面交鋒。話就話凱沙羅頓有當Fit射手西蒙祖拿復出，不過佢隻腳趾啱啱先好番，加上前中後都有主力缺陣，作客想攞着數唔係咁容易。相反，格雷特霍夫鋒力強勁，主場讓平半，一於捧2.04倍上盤。

（開賽時間：周二凌晨2:15）

凱沙三線都有主力打柴
凱沙羅頓開季兩戰贏晒，功臣肯定非兩場波攻入3球嘅西蒙祖拿莫屬，呢位季前以30萬歐元由奧斯納貝克來投嘅射手，因為整傷腳趾缺席上周場德盃賽事，雖然賽前有消息指出，呢位德國射手今仗可以紮住上，但會唔會影響表現仲係未知數。

格雷3大鋒將開晒齋
唯一可以肯定嘅，就係凱沙羅頓陣容唔太完整，前鋒兼隊長賓查古同西班牙後衞托利莊倦勤，中場阿歷山大寧治又因為獲芬蘭國家隊徵召而缺陣，前中後各有一件主將唔出得，戰鬥力定必大受影響。

反觀格雷特霍夫除咗中場史柏夫，其餘主力都可以披甲，最重要係陣中鋒將好似迪祖迪積、阿斯美同蘇卡奴都開晒齋，攻擊力強勁分布點又夠廣，唔似得凱沙羅頓嘅西蒙祖拿咁樹大招風。

仲有呀，連同兩場德乙同上周場德盃在內，格雷特霍夫3戰全勝兼1球不失，攻守兩瓣都咁掂，上盤梗係信得過啦！