老細心淡莊家睇死拉素

猪拉多纳

今年意超盃由拉素鬥祖雲達斯，基於當地足總一早就揀咗喺奧林匹高球場舉行，即係話拉素有主場之利。呢支首都球隊主Ｗ竟然有成3.7倍，唔知內情以為好筍。拉素衰衰地都係意盃盟主，但操盤手完全當佢哋冇到，全因球隊內部立立亂囉！

隨時賣盤畀中東油王
自從拉素隊長莫利被揭發打假之後，老闆洛迪圖對隊波已經心灰意冷，暑期都唔肯掟錢出嚟作大型收購，球隊實力可謂大幅下滑。最近更有傳洛迪圖正同中東財團聯絡，玩埋今季就會放盤畀油王。拉素前景不明，好自然被操盤手睇淡。今場揀祖雲達斯可謂正路之選，客Ｗ可取。（周一凌晨3時開賽）