C朗開火報答安帥

猪拉多纳

皇馬「大」破貝迪斯
西甲冠軍熱門皇家馬德里今晚喺主場招呼貝迪斯，入球大細中位數即使開到3.5球，都係照捧1.7倍入球大着數！皇馬天王C朗成名後跟過唔少頂級教頭，但最就得佢似乎係新帥安察洛堤，為咗報答肥安嘅恩情，睇怕C朗會喺開咧戰踩油「大」開殺戒！（now632台周一凌晨3:00直播）

皇馬王牌熱身賽着火
皇馬今季主要放走射手希古恩，買番馬拉加中場艾斯高、聖保羅中場卡斯米路、皇家蘇斯達中場伊拿拉文迪同利華古遜右閘丹尼爾卡華積，但講到進攻重心，肯定依然係C朗，佢喺熱身賽上陣441分鐘，攻入6球再加2次助攻，平均55分鐘就有入波或者助攻，當中仲有唔少入球係世界波，進攻效率非常得人驚。

上季C朗喺莫連奴執教下，上陣55場勁入55球，今季皇馬改由作風較為保守嘅安察洛堤領軍，C朗入球數字係咪會下跌呢？未必喎，因為習慣同世界頂級球星合作嘅肥安，為人相當識做，佢曾經話，唔會限制C朗嘅活動範圍，佢鍾意點都得，氹到C朗咁話：「安察洛堤係好教練，依家我哋所有人都訓練得好開心，冇錯，係好開心。」

貝迪斯交手旺開大
除此之外，肥安曾經公開話皇馬根本唔需要買加里夫巴利，擺明係為咗安撫地位受挑戰嘅C朗，依家皇馬更衣室內亂平息，係時候踢番場好波向高層同球迷交代。睇番對家，貝迪斯冇咩錢使，今季最貴收購只係價值280萬歐元嘅基達菲中場沙維托利斯，但佢哋近5次對皇馬有4場總入球數字開4＋，期間得1場冇波入，幫到手開大㗎！

皇馬上季西甲主場士哥王
皇馬上季西甲主場入波最多，19場入67球。

皇馬近6季西甲主場首戰有5勝1和。

皇馬7場熱身賽6次半場領先、1次落後。

貝迪斯近4次作客皇馬全敗，共失15球。

C朗搶韁博半場大
皇馬對貝迪斯讓2/2.5，即係淨勝3球先有錢收，盤口都幾辣，如果怕皇馬開唔到上盤，入球大細中位數開到3.5球，入球大又唔算好穩陣，咁不妨考慮玩1.72倍半場入球大，因為C朗喺熱身賽已經上晒力，連帶皇馬都好易入局，連續3場完半場前攻入2球，中到嘅話，下半場印印腳睇C朗表現夠晒過癮！