潛質新星夠晒多 紐倫堡淋熄哈化虛火

猪拉多纳

今季德甲眾師實力平均，連升班球隊哈化柏林首輪都可以喺主場以6:1炒法蘭克福，唔少球迷都畀佢哋嚇一跳。不過哈化今晚作客紐倫堡，未必可以延續強勢，事關紐倫堡有日本天王清武弘嗣同德國前鋒丹尼爾真錫克領軍，配合一班新加盟嘅實力分子，嚟緊肯定會愈嚟愈強大，今仗主場出擊有力開2.25倍W！（有線61、64、201及203周日晚9:30直播）

紐倫堡中場清武弘嗣上季大放異彩，依家已經成為德甲一線球星，查實呢間球會增兵向來幾有眼光，季前向多蒙特買入22歲新星丹尼爾真錫克，呢位土炮射手首仗已經開齋，假以時日，可能又係另一件貴價球星！

哈化以乙組人腳做骨幹
講到防線，紐倫堡亦羅致咗中堅馬田安加，呢位只得19歲嘅瑞士守將係國家青年軍常客，前年先出道，由Ｕ17一路踢到上U21，係阿仙奴青訓產品，佢喺青年軍比賽踢咗幾場好波，就即刻被紐倫堡收歸旗下，家陣有瑞典大哥柏尼爾遜傍住，相信安加仔好快就可以獨當一面。

對家哈化柏林喺開咧戰係威係勢，大炒法蘭克福叫人另眼相看，不過佢哋基本上只係以上季乙組人腳為骨幹，暑假只係重點簽入日本球星細貝萌，人腳未必足夠應付連場硬仗，何況佢哋件後衞法蘭斯要坐波監，今仗作客去到紐倫堡，未必可以好似上場波咁踢得清風送爽，捧主隊着數！

頂占筍盤：紐倫堡（主勝）