南球盃要晒３場細

猪拉多纳

今日阿King集中睇南球盃，老實講，依家只係第2圈首回合，球隊實力未必好超，簡簡單搵三場細過關，利斯菲體育會對紐迪高、天主教大學對艾美歷克同伊基達對哥比路亞，三串一炒埋有4.5倍都唔錯。
紐迪高對利體會冇甜頭

先講利斯菲體育會對紐迪高呢場巴西球隊內訌，紐迪高話就話甲組，但依家包緊尾，而且近三場未入過波，對住利斯菲體育會冇甜頭，但利軍亦唔見好叻仔，主場都未必穩勝，不如揀細。

智利榜首球隊天主教大學係南美盃賽常客，理論上見慣世面，呢啲場合唔會腳軟，可惜班中前場呢排腳頭無靈，球隊陷入低潮，厄瓜多爾球隊艾美歷克作客打低一皮波，今仗會以防守為主，相信兩軍對碰入波唔多。

至於哥倫比亞球隊伊基達一樣陷入入球荒，縱有主場之利亦唔係咁易破門，智利嘅哥比路亞上圈曾作客擊敗烏拉圭彭拿路，但只因對手表現走樣，不宜作準，盃賽場合首回合最緊要穩，都係揀番個入球細好啲。