皇家蘇斯達歐聯史慘烈

猪拉多纳

事隔九年，皇家蘇斯達再踏歐聯賽場，03至04年度球季蘇斯達以聯賽亞軍身份，征戰這項高水平賽事，陣中為人熟悉嘅，除鋒線雙煞高華斯域及尼赫治之外，仲有中場指揮官、現効力皇馬嘅沙比阿朗素，不過與皇馬、巴塞等豪門相比，呢支巴斯克兵團陣容太單薄，難以負荷兩線作戰嘅壓力，眾將疲於奔命下，成績大跌，喺聯賽淪落到排十五，但比同樣殺入16強、最終降班收場嘅切爾達，算係不幸中之大幸。經歷過咁慘痛嘅教訓後，如何在歐聯同聯賽之間取得平衡，都幾考蘇斯達少帥阿拉沙迪嘅功夫。
命運弄人再遇剋星里昂

雖然里昂已成褪色勁旅，但歐戰表現特別Sharp醒，唔計上季，佢哋之前連續十二屆至少殺入分組賽，2010年更歷史性闖入四強，因此歐聯經驗遠勝蘇斯達。無巧不成話，當年在16強淘汰蘇斯達嘅，正是係今場對手里昂，唔通又係呢支昔日法甲七連霸，終止蘇斯達嘅歐聯之旅？