同線路齊齊搏

猪拉多纳

　　同主或來自同一家族成員馬，好多時唔單止安排在同日出賽，仲會夾埋在同日或同場搏殺，如果捉到路，隨時有可觀回報，當然，唔係話同日有親同線路馬出賽，就代表一定搏，也要視乎馬匹實力。

　　去季尾經常有上述情況出現，好似6月2日二班田草1600米，蕭百君名下「家樂飛」爆出20倍冷門，跑第二係佢個仔名下「勝哥兒」，呢條父子Q派彩接近700元；7月7日田草煞科日，在第九場沙田一哩錦標，由「威爾頓」捧盃，同場同屬鄭強輝名下「續領風騷」，以29倍跑獲季軍，同主位置Q超過200元；谷草煞科夜，一對「牛精」分獲冠亞，如果「牛精好友」唔係輸少少畀「卡達聖」，王氏同晚孖寶已手到拿來。

　　吼呢一類息息相關馬，未嘗唔係投X好方法。