做法過橋抽板

猪拉多纳

　　搞咗個幾兩個月，王志偉最終都係冇牌，畀馬會駁回上訴，真係令人感到可惜，又一個華將就此結束策騎生涯。

　　如果大家有留意坊間反應，不論係練馬師、媒體之間，喺暑假期間，一致撐王志偉，希望佢可以繼續策騎。只係馬會一意孤行，扼殺一位土生土長、由佢哋訓練出嚟嘅騎師。

　　外界點解傾向支持王志偉，因為香港輕磅騎師唔係特別多，與其唔夠人手，要出去搵外援，不如留個華將，唔通現時馬圈細到容納唔到多一位騎師？

　　想當日，鄰埠鬧騎師荒，澳門馬會問香港馬會借人，你哋派個當時季內尚未開齋嘅王志偉過去，幾個月之後，就踢走埋呢個「順得」人，真係好有過橋抽板嘅味道，堂堂大機構，年年都攞獎，竟然會有呢一套！