拿玻里強轟博洛尼亞

猪拉多纳

來勢洶洶挑戰祖記擂台

尋日講過英超及歐聯等賽事每場平均單注投X額有幾多，今次同大家講吓意甲咩情況，根據上季經驗，意甲普遍賽事每槍（單注）大概係十萬左右，部分大莊多少少，齋計個額算係一線聯賽，但拍埋英超度點都差啲，淨係睇新季賽事香港冇直播，已經知道呢個聯賽流失咗唔少捧場客。

對香港球迷同菠菜人士嚟講，意甲近年走咗好多球星，吸引力大減，不過，內地仍然好多朋友非常鍾意呢個聯賽，早年意甲處於盛世，喺內地儲落唔少球迷，始終有種情意結，所以直到依家都係好有影響力。睇番中國足彩，意甲都佔有重要地位，上年意超盃都試過喺北京鳥巢上演，真係仲有市場o架！
國米新季咪睇太高

講番新季意甲情況，業界人士普遍認為係兩強之爭，祖雲達斯再次擺下擂台，至於拿玻里就來勢洶洶，呢個格局相信冇乜變，至於名牌球隊國際米蘭新季人腳唔算好叻，咪睇得太高。今次重心推介揀番拿玻里，第一擊主場鬥弱旅博洛尼亞係大勝格，讓到球半都唔怕，要上盤！

（周一凌晨2時45分開賽）