西北打吡 入球盛宴

猪拉多纳

西雅圖海灣者主場對波特蘭伐木者，對香港球迷嚟講，只係一場普通嘅美職賽事，但查實今仗係當地盛事，現場會吸引超過66,500名球迷入場！
海灣者伐木者飛沙劈石

兩軍均來自美國西北部，一路視對方為死敵，鬥親都踢到飛沙劈石。海灣者主力射手艾迪莊遜，私底下同丹普西好friend，二人周時講起呢個對碰有幾精彩、球迷有幾熱情，能夠參與呢次「打吡」，甚至係丹普西決定加盟海灣者嘅原因。加盟後踢咗2場，丹普西仲未入波，今場佢會同艾迪莊遜同馬田斯攻堅，入波唔會少！（周一早上10時開賽）