波圖基沙 唔敢發圍

猪拉多纳

今夏洲際國家盃期間，巴西出現大大小小嘅騷亂，加上球場進度緩慢，令到國際球壇甚至社會對巴西明年能否成功搞得成世界盃存在質疑。
明尼路主場唔會玩嘢

當局梗係驚巴西足球聲譽受到影響，故此已經同各路「搵食」分子傾晒偈，講到明餘下巴甲賽事唔好玩嘢，否則再爆啲操控或假波新聞，明年世界盃肯定玩完，故此洲際國家盃之後，巴甲賽事戰果都好正路。

睇勻今輪巴甲賽事，明尼路主場對波圖基沙個主Ｗ最穩，波圖基沙作客曳到暈，如果今場突然翻生，肯定又惹人懷疑，所以今仗正正路路揀明尼路啦。

（周一凌晨3時開賽）