藍月亮晒冷 雙城記碌爆「卡」

猪拉多纳

寸王挑機要鬥入波

英超今晚上演「雙城記」，上季英冠盟主卡迪夫城喺主場對前季英超冠軍曼城，牌面固然冇得比，最重要係車路士「Special One」莫連奴即刻挑機話要鬥入波，試問被球迷封為「Only One」嘅曼城新領隊比歷連尼點可以衰畀人睇？捧2倍「讓球客勝」！（now621台及廣東體育周日晚11:00直播）

曼城喺熱身賽打起咗迪斯高，上星期仲有阿古路傷愈復出，結果以4球淨勝紐卡素，英國傳媒仲話，如果唔係球證漏判兩球12碼，同埋有其他錯判，其實曼城贏夠9:0都得！而且曼城放棄文仙尼時代嘅沉悶排陣，改打4-4-2竟然有西班牙國家隊嘅進攻味道，正式好睇又好食，難怪足智彩捧佢哋做英超冠軍大熱門。
曼城442新陣打出鬥牛風格

可能見到風頭被搶，莫連奴知道曼城大勝後，曾經主動挑戰話車仔都要連場大勝至有霸氣，不過比歷連尼已經贏盡球員同粉絲嘅心，除咗迪斯高話感激佢信任，耶耶托尼同薩巴列達都大讚新領隊有料到，上星期曼城球迷更加合唱「There is only one Pellegrini」歡迎佢，擺明讚佢領軍功力仲勁過寸王。
卡迪夫城老將比拿美倒戈

仲有呀，由於隊長高柏尼喺開咧戰受傷，估計曼城要搵查維馬天尼斯移後串演中堅，後防唔穩陣，以曼城嘅牌面以攻代守好正常。對家方面，卡迪夫城升班後使唔少錢，甚至連續3次打破球會轉會費紀錄買人，不過佢哋喺開咧戰即淨吞韋斯咸兩蛋，明顯未夾熟。至於倒戈出戰嘅33歲前鋒比拿美，佢有幾多料，曼城班人點會唔知呀？
曼城半場勝一樣咁穩陣

既然睇好曼城，「讓球客勝」有2倍當然抵捧，但如果覺得等90分鐘都嫌多，就不妨考慮埋1.8倍曼城半場勝，因為卡迪夫城喺開咧戰得1次埋門中框，就算曼城後防唔齊腳，佢哋都唔似惡得出樣，更何況曼城今年踢19場聯賽有12次保持清白，比率達到63%，只要完半場前生性入到波，半場勝好穩陣。
卡城上場埋門得1次中框

卡迪夫城上季英冠主場得分最多（51分）。

卡城開咧戰得1次埋門中框。

曼城2013年出戰19場英超有12場保持清白。

曼城射手迪斯高開咧戰埋門8次，超過個人上季任何一場聯賽。