愛華頓未撻着「半場細」好路

猪拉多纳

愛華頓進入「後莫耶斯年代」，球員仲適應緊新帥馬天尼斯打法，英聯盃第2圈主場鬥甲組仔史提芬納治難大炒。「拖肥糖」開季2連和，踢來患得患失，加上今仗極大機會派二線兵落場，相信半場冇乜交收，捧1.7倍「半場細」！

（周四凌晨2時45分開賽）

莫耶斯帶足愛華頓11年，本季轉教曼聯，前韋根教頭馬天尼斯接掌「拖肥糖」，係個理想人選，但佢唔係神仙，任佢幾有料都需要適應期，故「拖肥糖」今季仲未開齋，絕非奇事。今仗馬天尼斯肯定想贏，但愛華頓嚟緊聯賽要作客卡迪夫城，以馬Sir性格，於英聯盃初段會派唔少副選應戰，主力如費蘭尼、巴尼斯等或會休息，戰鬥力必定削弱。

愛華頓近兩戰對手唔強，但半場都打成0比0，老鼠拉龜情況嚴重，中堅迪斯甸亦承認，成班隊友仲學緊點踢「馬式戰術」。史提芬納治開季成績唔算標青，球隊明顯守強攻弱，5戰半場總入球都唔夠2球，鬥愛華頓死守有計，捧「半場細」。
森林勢盛主場得「米」

另一仗諾定咸森林主場對米禾爾，米軍今季係降班膽，連英冠都未踢掂，森林勢盛主場贏得。屈福特主場鬥般尼茅夫，般軍作客即變軟腳蟹，開季2場分別輸1比6同1比5，今場捧大！