史浩克爛防線 頂唔住利華

猪拉多纳

德甲史浩克04主場鬥利華古遜，史浩克今季觀音頭掃把腳，前線人才鼎盛，但防線穿窿，球隊態沉、兵疲又殘陣，利華古遜作客讓平半必撐上盤。

史浩克至今3戰得1分，防線共失9球德甲最爛，今場後防領袖賀維迪斯同左閘基斯甸富治斯雙雙停賽，另一守將柏柏杜普路斯同箭頭亨特拉爾養傷，雖然借得漢堡守將艾奧高頂檔，但一雙中堅祖爾麥迪比同菲臘比辛坦拿都係計時炸彈；客軍利華3戰全勝，三叉戟傑斯寧、悉尼森姆同孫弘民都弗爆，整定史浩克唔好彩！