奧沙老弱殘兵 點讓得起潛艇?

猪拉多纳

「黃色潛水艇」維拉利爾果然底蘊夠深，今季潛番上甲組立即大爆發，開咧兩連勝氣勢如虹。維軍Keep住卡尼、般奴蘇利安奴、馬里奧加斯柏一班前季喺甲組打拚、經驗豐富嘅骨幹，又羅致射術及創造力兼備嘅墨西哥前鋒杜斯山度士，令進攻模式更多元化。

記得前季潛艇因為要兼顧歐聯，但結果兩頭唔到岸，最終仲搞到降班收場。「黃色潛水艇」今季誓要證明當年只係一時意外，佢哋今晚作客對住兩連敗、只剩番一班老弱殘兵支撐嘅奧沙辛拿，竟然仲有受讓之利，簡直筍到爆，「讓球客勝」絕對係有買趁早。