修咸頓得個樣啃唔諾

猪拉多纳

肥叔之前成日都話唔玩歐霸盃，皆因最怕出現啲古靈精怪嘅情況，尋日凌晨荷蘭球隊阿爾克馬爾喺歐霸盃主場對希臘代表艾杜美圖斯，賽前出面啲風一面倒吹捧客隊，多個大戶紛紛出手買咗幾浸艾杜美圖斯下盤，結果阿爾克馬爾開波冇耐就打少個，有冇咁巧合啊？

原來好戲在後頭，場波喺下半場踢咗十幾分鐘，球場突然發生火災，賽事宣布腰斬，當時艾杜美圖斯贏緊一粒，兩隊喺香港時間尋日下晝踢埋最後嗰三十分鐘，艾杜美圖斯最後贏夠兩球開出下盤，但有莊家計腰斬齋退款，搞到班下盤客見財化水！

意外嘅嘢有時好難預計，但喺下盤咁聚飛嘅嘅情況下發生呢種突發狀況，難免令人諗好多嘢，肥叔唔敢妄下判斷，亦唔會一口咬定場波有問題，只係純粹分享場波嘅菠菜資訊。
諾域治主場好硬淨

肥叔幾時都話賭波要揀可靠嘅聯賽，喺公平、公正、公開嘅環境下落注，起碼有數得計，贏輸一件事，最緊要公道。英超能夠成為全球最受歡迎嘅聯賽，就係因為透明度高，絕少出現負面新聞。

講番今次推介，修咸頓今季大肆增兵，實力評級被大幅調高，但呢班波作客唔係特別醒，今次造訪諾域治冇乜優勢，「金絲雀」主場好硬淨，平手盤博得過！（now 624周六晚10時直播）