日本超班「讓主」唔會「危」

猪拉多纳

香川真司爭氣波讓得起2球

日本一早已經攞到下年世界盃決賽周入場券，佢哋趁住呢次國際賽期，搞咗個足球挑戰賽（麒麟盃）試陣，今晚先喺大阪擺擂台，迎戰美洲球隊危地馬拉，下星期二就返橫濱惡鬥非洲冠軍加納，兩場波我哋有線都會直播。

講番今晚呢場，由於危地馬拉嘅戰鬥力同主隊爭幾班，今場實畀日本數到暈！雙方實力真係相差好遠，所以日本大勝、讓2球嘅2.12倍「讓球主勝」都絕對要支持啦！小弟仲好期待睇到香川真司嘅「解放」表現添！有佢呢位要「騷哥利」嘅曼聯球星帶住，日本今場實冇甩拖！

（有線61、201周五晚6:25直播）
紐倫堡新組合率先登場

香川真司今季喺莫耶斯領軍下冇乜上陣機會，連佢舊東家多蒙特班球迷都睇唔過眼，喺網上面發起「解放香川真司」運動！雖然喺啱啱過咗嘅轉會窗，香川真司並冇離隊，曼聯亦都冇簽入進攻中場，即係表示呢位日本國腳仍然有機會爭番正選。佢返到國家隊報到後，亦同傳媒講明會更加落力去爭位，含住呢啖火嘅香川，今場要爆喇！

今場波安排喺香川嘅母會大阪櫻花個主場度踢，佢應該好有親切感，而到時班球迷肯定會落力為日本打氣，自然打高兩皮啦！講起轉會，日本隊長長谷部誠啱啱轉咗去紐倫堡，同清武弘嗣拍住上，依家呢對一守一攻組合亦喺今場國家隊賽事率先合作，睇吓啲默契培養成點先！

頂占筍盤：日本（讓球主勝）