傾力之城施冷箭

猪拉多纳

　　開鑼日重頭戲為特首盃，是場參戰馬雖少，惟形勢卻暗湧四伏，皆因翻查各駒往績，幾乎隻隻跑田草1200米俱有頭馬根據，就算「跑寶貝跑」和「卡達聖」未贏過同程，惟前駒跑二級賽曾入Q，後駒也於上季尾贏谷草1200米，各具佳績支持，所以驟眼看來，彷彿統統都有可勝之道。

　　既然各駒實力不相伯仲，那就不如刻意求冷。今場「傾力之城」勢成冷門，原因是牠剛季九戰俱敗，當時六歲已一沉不振，何況現屆七歲高齡？受人冷落乃可以預期。

　　上季屢遇強敵

　　不過諗深一層，上季「傾力之城」頻跑級際賽，對手若非當起之馬，便是精英班佳駟，冇運行也很合理。就算季中階段，此駒幾度角逐普通一班賽，但牠偏偏報爭一哩路程，終因長力不足致敗。上季「傾力之城」持續減分，這是否大摩刻意部署？答案得問問他本人，但馬兒現評100分，並適時出戰最擅長的1200米，諗落應該有計！