歐洲駿馬腳步輕爽

猪拉多纳

　　昨晨最後試跑出跳馬不太多，草地千八米開放供馬匹試跑或彈閘，惟只得兩匹有賽程馬參與，無甚睇頭。

　　「歐洲駿馬」潘頓試八百米，貼欄疾馳，腳步輕爽，健康冇問題，有復甦象。

　　「好香港」助手試八百米，體健神清，落腳有彈性，進度理想，已及作戰水準。

　　「威水福星」韋達試千二米，按實任馳，步伐整齊有力，生氣勃勃，態及九分。

　　「飛天龍駒」助手試四百米，轉彎開始加速，走勢硬朗，生氣勃勃，觀感不差。

　　「喜多盈」潘頓試八百米，清風送爽完成，收身上力，續好多少。

　　「樂有贏」黎海榮試八百米，動作靈活，過直路有火有力。

　　「要風得鋒」助手試千二米，走來快慢隨意，神采奕奕，日益成熟。

　　「金得意」助手試八百米，馬身飽滿紮實，步伐爽朗，頹氣已消。

　　香港發走勢硬朗

　　「香港發」蘇狄雄試四百米，走勢硬朗，身強體壯，操養得宜，狀態起得恰好。

　　「時來風送」助手、「明珠一號」吳嘉晉相偕試八百米，前駒佔先乘多帶放，後駒亦步亦趨，電算機前外檔的「明珠一號」獲准展步上前，一齊衝線，走來似模似樣，惟上力未夠，狀態普通；「時來風送」蹄姿爽朗，體力猶充沛，操養有一手。

　　「電訊特首」薛寶力、「帝國勇將」副練聯袂試四百米，並肩爭持，叮噹馬頭過終點，內檔的「電訊特首」脾氣略見改善，惟走勢欠勁，進度似是而非；「帝國勇將」體格結實，神色則稍淡，未係十足。

　　「富貴榮華」梁家俊試八百米，過直路稍嫌躁急，走規平平，稚嫩未熟，一般而已。

　　「天地福星」蘇狄雄試八百米，輕巧有餘，始終欠缺雄渾之勢，神態平常，未及水準。

　　「小林夜雨」助手在草地試八百米，灑開大步而回，出腳靈活，火冒勁增，及時催起。

　　「站站名牌」助手在草地試八百米，走勢順暢，惟仍欠銳勢，進度徘徊，非最佳時。