連冠精英真歡喜

不死鸟

第一場新馬賽1200米（草地）。「加州滿意」上仗贏田草1000米有前有後，三歲仔有此本領，除早熟之外，練者做足功夫而戰亦是贏馬關鍵，質新馬勝後勇熟更進，今再爭勝途，用蔡明紹減輕七磅有好無壞，質態俱備佳駟，對手難匹敵可再勝。「蓬萊仙子」省過兩場狀態臻勇，乘勇出擊穩位望贏可與前駒串馬房Ｑ。
第二場五班1600米（草地）。「好心情」前仗田草1200米後追得第五走勢討好，相隔三日匆匆再出轉戰谷草1650米得第七，演出失準主因出閘時笨拙，慢閘下失地太多，加上直路最後二百米更被困塞，到一百米望空時雖走勢轉強，但因落後太多，只追回一席第七，負給頭馬只係二又二分一馬位，呢役輸形勢亦近顯有勇態支持，復課勇況依然，論馬居五班上風，今次轉手風大順馬偉昌操刀，發揮水準，可期打開勝利之門。「鴻福星威」路有專長，老馬有火必拚，遇冷勿忘。
第三場五班1400米（草地）。「連冠精英」上仗出谷草1200米，因賽日有馬退出臨時補上，出閘失機有能後追得第二，賽績甚佳，此駒有狀態都會跑得好，觀乎剛戰劣勢交出如此強勁追勢，顯見老馬火氣冒升，匆匆再戰跑回強項田草1400米，力足贏馬添進帳。「真歡喜」上仗同程得第三走勢出色，目前落到五班形勢有利，勤跑下態況已臻勇，柏寶鍥而不捨必有所圖，施殺�羟榜x有失可代之而起。
第四場四班1200米（草地）。「綠野飛馳」近戰雖只能入位而未有取勝成績，但馬匹不斷進步則屬事實，尤以上場為例，在Ａ欄跑道出戰田草1400米，用放頭跑法甚蝕章，但依然頂到尾得第四，賽績唔起眼，實則難度甚高，今次縮程1200米，用Ｃ+3跑道，用回上場放頭跑法，有力一放迄終贏馬而回。「帝豪龍駒」剛戰同程贏馬出色，質新馬開竅後可扶搖直上，乘勝追擊有力梅開二度。