徐雨石轉運要捧

猪拉多纳

　　如果大家有留意徐雨石馬房，應該知道石哥欠缺的不是實力，而是運氣。事關近幾季終結時，數亞軍較多的幾位練馬師，一定會數到佢。而且，這個馬房的亞軍馬，好多時都跟頭馬在伯仲之間，簡單來說，唔係輸短馬頭位，就係輸條頸。一個馬房黑仔至此，對上七季的頭馬數目仍可在二十場以上，這就是實力了。

　　再睇徐雨石11/12年及12/13年馬季九月份成績，如果從頭馬數目睇，佢好似作風好慢熱，因為11/12年馬季得「期望」在九月贏馬，而12/13年馬季更加一W都冇。然而，你再睇真，就會發覺石哥唔係慢熱，其實佢仲急過你同我，因為佢11/12年馬季九月其實有四亞；12/13年馬季九月更誇張，有六亞咁多。你諗，如果石哥好運，隨時成為各大報章資料組心目中的「開季急先鋒」了。

　　但時至今季，石哥明顯轉運了，單睇前晚快活谷賽事，就知道咩叫「實力贏晒，運都贏埋」。徐雨石馬房全晚出馬六匹，合共取得三冠一季。當中三匹頭馬都贏對手不足一個身位，而第五場「嶺」更以短馬頭位壓倒文「樂有贏」取勝。既然石哥今季運氣轉好，點可以唔捧場？