撐當頭起心跳捕鯨

猪拉多纳

今日小妹要推介係球彩台直播嘅清水心跳對名古屋鯨魚，心跳睇牌面蝕章少少，勝在贏開有條路，連續兩場擊敗大分三神同鹿島鹿角，全隊踢出士氣，之後同西悉尼流浪者友賽握手言和，加埋喺天皇盃贏波都延續到呢股氣勢。

前線高木俊幸狀態好之餘，仲有分別喺杜塞爾多夫同水原藍翼借返嚟嘅大前元紀、列當錫都迅速融入球隊，成為數胡主力，呢個亦係支持清水心跳嘅最大原因。

心跳勢頭好，聯賽榜已經追貼中游，鯨魚日職7月重開後原本勢頭好勁，但最近4場聯賽只贏過榜尾嘅大分三神，啱啱天皇盃更爆冷被弱旅淘汰，佢哋仲要後防告急，石櫃洋祐同丹尼爾施華停賽，田中鬥莉王又因傷缺陣，咁當然寧買當頭起支持心跳啦！希望贏番多少「贊助」我買番件恨咗好耐嘅日本國家隊波衫就正喇！

（有線64及203台周六下午2時直播）
妹頭推介：清水心跳（平手盤）