川迪穩陣恰慣燕豪芬

猪拉多纳

周日凌晨荷甲尾場川迪主場對燕豪芬，川迪今季成績唔搶眼，但勝在四平八穩，加上近年對賽往績專剋燕豪芬，平手盤捧主隊。

川迪今季頭五場聯賽只得兩勝，勝率唔算高，不過咁唔代表對手可以輕鬆贏到佢哋，事關佢哋防守做得好，五戰僅失三球係目前失波最少嘅球隊之一。燕豪芬於國際賽前嘅歐聯附加賽被AC米蘭踢出局，聯賽又連續兩場失分，狀態、信心均下滑，就算經過小休亦宜抱觀望態度。連盃賽在內，川迪近十次對賽只曾輸過一次畀燕豪芬，其餘九戰四勝五和，平手盤捧主隊抵玩。