阿仙奴出齊架生捉黑貓

猪拉多纳

跟「兵工廠」操完兩課就要上陣殺敵嘅奧斯爾，今晚有望擔正，率領阿仙奴造訪新特蘭，呢位德國國腳一向以腳法細膩見稱，同班「廠仔」夾到絕，小弟深信佢首演就會有貨交，要做低雷聲大雨點小嘅「黑貓」話咁易，捧1.58倍客勝啦！

（now622台周六晚10:00直播）

「大眼仔」本來未必會咁快有正選，但隨住路斯基喺世盃外對意大利拉傷大腿，兵工廠張傷兵名單水蛇春咁長，領隊雲格惟有焗住派佢擔正，不過奧斯爾喺皇馬擔起成條中場線，玩腳法得嚟又夠硬淨，根本唔使驚佢融入唔到阿仙奴，仲有翼鋒禾確特同中場韋舒亞賽前都話趕及傷愈，計人腳，「廠仔」當然贏晒開季3戰得1分嘅新特蘭啦，咪忘記「黑貓」今仗仲有守將奧沙停賽，點信得過呀？