蜜蜂兵「大」啖o趙漢堡

猪拉多纳

羅拔仔傷勢唔嚴重踢得

上個周末國際賽期告一段落，今晚聯賽秩序恢復正常，德甲又有好戲，由開季全勝嘅多蒙特主場迎戰漢堡。照牌面睇唔使問梗係「蜜蜂兵團」贏面高，不過佢哋一班國腳啱啱歸隊，下周中又要踢歐聯第一輪分組賽，精神同體力難免會受影響。好在有消息話射手羅拔利雲度夫斯基傷患冇問題，今晚可望披甲，咁多蒙特就可以繼續強攻本色，中位數3.5球都要捧1.95倍入球大。

（有線61、64、201及203周日凌晨0:30直播）
漢堡新鋒線煞食

多蒙特陣中大把國腳，所以上星期幾乎全隊都去晒踢國家隊，冇得乘機抖抖，唔單只體力受影響，一個唔該仲有傷病危機添！馬高列奧斯同羅拔利雲度夫斯基就分別冇踢周中嗰輪國際賽，不過馬高列奧斯只係腸胃炎，今場應該可以上陣；至於「羅拔仔」呢？多蒙特軍醫亦證實佢傷得唔嚴重，今場可以踢得，加埋米希達利恩愈踢愈好，多蒙特火力始終最信得過。

漢堡上場擊敗布倫瑞克終於打響今季勝鼓，雖然隊長雲達華治大腿受傷，今場未必踢到，不過睇上場表現，土耳其新星查漢奴古嘅活力同「雲隊長」相比有過之而無不及，佢上場梅開二度，充分顯示速度同處理死球嘅能力，搭埋件身高達1米89嘅拉蘇加喺前面衝鋒陷陣，呢對嶄新攻擊組合好唔簡單，「蜜蜂仔」一個唔留神，真係會畀佢嚇一跳o架！
頂占筍盤：多蒙特（入球大）