小白續約扭計 巴塞騷哥利發「維」

猪拉多纳

經過一周國際賽期，西甲今晚戰火重燃，巴塞隆拿會喺主場撲擊西維爾。「地上最強」開季至今3戰全勝弗爆，張峰相信即使聯賽小休都唔會對佢哋有乜影響，最緊要係美斯同尼馬兩大巨星腳風大順，扭緊計傾續約嘅恩尼斯達又要搏命「騷哥利」，今晚仲唔搵西維爾祭旗？讓2球都唔驚，一於追2.08倍巴塞「讓主」。（now632台周日凌晨2:00直播）
西維爾西甲未開齋

巴塞上輪作客華倫西亞，整體有上佳發揮，大部分時間控制戰局，美斯更大演帽子戲法，若非華倫有普斯迪加突然發威入番兩粒靚波，巴塞話唔定又大炒一場。「地上最強」咁弗，返到魯營又點會冇貨交？特別係尼馬，佢喺啱啱嘅2場國際賽交出2個入波同3次助攻，「新比利」外號貨真價實，佢上場首次正選同美斯合作，即刻產生良好化學作用，只要佢哋再加強默契，入波肯定陸續有來。

再者，進攻發電機「小白」日前令人意外拒絕巴塞首次開出嘅新約條件，當地嘅《塞爾電台》話佢唔係介意錢銀待遇，反而對管理層有多少意見，不過點都好，要講數就要有好演出做籌碼，今晚西維爾注定冇運行啦！

西維爾雖然喺歐霸盃外圍賽表現不俗，但查實喺聯賽3戰先得2分仲未開齋，上仗佢哋主場都只係憑加美路梅開二度逼和馬拉加，表現令人失望，睇嚟尼格度同捷西斯拿華斯離隊嘅影響都唔細，今仗佢哋喺魯營搶分嘅機會真係微乎其微。