有人大手買靚橙

猪拉多纳

　　今日沙田馬場上演十場賽事，噚晚睇飛，發現好幾場大熱門獨贏賠率熱到2倍唔夠，包括頭場「心理學家」及第七場「隨心隨意」，曾得1.9倍，另外仲有第九場「寶寶飛龍」，曾得1.6倍。究竟係咪贏硬？冇人知。

　　所以，周某寧願去買怪飛馬。今日怪飛馬其實唔少，咁多匹之中，我最鍾意都係第五場嘅「靚橙」，呢匹馬上季跑咗十二仗都未有嘢睇，所以就算後來轉咗去徐廐，獨贏賠率亦只有愈來愈冷，對上兩仗仲要99倍，但唔知點解，今次隔晚竟然有飛，晏晝四點得10倍（見表），搏殺味道好濃，要博。騎師王方面，杜利萊揸住一批惡馬，賠率終於冇咁冷，值得一試。(周仲)